Inkscape 2 – Kort

9. mars 2022
Kl. 19-22
4 kennslustundir (4x40mín)
6.000 krónur

Gerðu persónulega límmiða og kort. Gott að vera búin að fara á Inkscape 1 eða kunna undirstöðuatriði í forritinu. Á námskeiðinu verður farið nánar í að vinna myndir og texta fyrir pappírs- og vinylskera en líka fyrir laserskera. Unnir verða límmiðar og/eða kort og smámyndir.  

Vinyl-, pappírs- og laserskerar bjóða upp á endalausa möguleika á að skera út límmiða, kort, smáhluti og hirslur úr ýmsu efni. Notaðir eru Silhouette og Cricut maker 3 skerar. 

Innifalið er efni og afnot af tölvum en þátttakendur geta komið með sínar eigin fartölvur ef vill. Hámarksfjöldi 6 nemendur. 

Sýslið er með þrjú sjálfstæð námskeið í Inkscape sem eru hvert um sig eitt skipti. Það er hægt að velja að fara á eitt eða fleiri. Fyrsta námskeiðið krefst engrar forkunnáttu, en námskeið tvö og þrjú gera ráð fyrir að fólk hafi smá grunn í forritinu. 

Kennari: Ásta Þórisdóttir

Ásta er með listmenntun í grafík frá Myndlista- og handíðaskóla Íslands og meistaragráður í listkennslu og hönnun frá Listaháskóla Íslands. Ásta er með langa reynslu af kennslu barna og fullorðinna. 

Þátttakendur fá staðfestingarskjal fyrir þátttöku og skráðar kennslustundir og geta sótt um tómstundastyrki til stéttarfélaga sinna. Námskeið hjá Sýslinu verkstöð eru styrkhæf hjá flestum fræðslusjóðum stéttarfélaga.

Hægt er að koma og nýta sér tækjabúnað Sýslsins á opnum verkstæðum á mánudögum milli kl. 16 – 19.