Jólamarkaður

Sýslið verkstöð verður með vörur sínar til sölu á Jólamarkaði í Hveravík.

„Markaðurinn mun standa frá kl. 13 til 17. Mikið úrval eigulegra muna og matvara verður á fjölda söluborða. Kvenfélagið Snót í Kaldrananeshreppi mun sjá um kaffi og kökusölu og ekki má gleyma fjölda tónlistaratriða okkar bestu listamanna, innan og utan sveitar. Við minnum á persónulegar smitvarnir, biðjum ykkur að mæta með grímur og hér verður nóg af spritti. Því miður er enginn posi á staðnum þannig að best er að gestir komi með útroðna vasa af seðlum og klinki og ef allt bregst má líka millifæra. Hlökkum til að sjá ykkur.“